星期六一早起身出去食早餐，一向我哋好少出街食早餐， 所以佢哋特別開心！之後去Costco 買下嘢睇下書又未夠時間lunch, 同佢哋去park 玩！十分開心！大妹真的長大了， 以前佢去到park唔敢自己去玩，要人陪！而家自己去到週圍走！
有時出街有人問我佢哋係唔係twin!!大佬呀一個二，一個四， 唔係咁離譜！個樣都有分別。對比下先！
爸爸與女兒！
Sunday 冇出街因為爸爸落order要clean up下個櫃！大妹唔啱D衫可以俾細妹， 細妺唔啱就去donate!如果太殘唯有放棄！clean up 時候先發現冇錯，大妹著size 4, 細妹已經係size 3! 細妹肥底冇計似我！
Monday 同佢哋去airport, 坐下train! 一個帶相機，一個帶望遠鏡！
兩個好excited!
去到機場見到呢架模型要映相！細妹幫家姐映，阿女望下鏡頭啦！ 映唔到走唔到！
我唔明白㸃解次次都要側身成咁？
爸爸從後映我哋！一路行大妺一路問點解冇飛機坐！ 佢以為坐完train再坐飛機！ 仲問我要唔要帶seatbelt!我話下次等妺妺大過D先啦， 好失望眼神，仲係不停問！阿女你一歲我就已經帶你坐飛機返香港， 係你自己唔記得！阿妹就真真正正第一次去機場！ 我自己都好想坐飛機，因為我好鍾意份飛機餐，雖然唔好食， 但係份餐每一樣嘢都細細！
機場其實係傷心地，我曾經都係呢個地方流過唔少眼淚！ 心諗如果有一日兩個女大個會唔會記得我曾經帶佢哋到此一遊？ 又或者將來有一日如果我要嚟機場送佢哋機我一定好傷心！ 我嘅悲觀荷爾蒙又嚟啦！諗下諗下想流眼淚！ 可能因為我太愛兩個女！生離死別冇得避！ 不如真係諗下下一次family trip!
沒有留言:
發佈留言