陪著她走...有多久？

今朝收到老老record 嘅video, 細妹做waitress 落order!  呢個女咩都識講！


登上Facebook, 見有時間review 下以前upload 嘅video!

睇下睇下好感慨，時間過得好快，轉眼間兩個女識行識走! 食人奶，糊仔，大人food,學坐，學行，學爬！由只有識喊， 講BB話，到而家有時話我講錯D英文生字！時間係唔會等人， 只有人去追時間！而我特別喜愛回望！

自己唔係女強人，一半事業心都冇！家人係我全部！ 每日可以令我身邊的三個人開心瞓覺係我目標！ 成日同大妹講我要佢be happy & strong ! 她快樂所以我快樂！每晚mimi都要睇見佢開心進睡！

今日我突然很怕！時間太快走漏眼，錯失佢哋成長畫面！ 怕這雙手仔有一日長大，不能再拖！就算她們要拖的也不只是我！ 子女長大成人，有自己家庭是必然事，但是可不可以不要太快？ 行慢D，分多D時間俾Mimi!  因為我不捨得你們！

大妹

細妹

心情變幻時

呢兩日有D失常！心情上上落落成日遊雲！噚日煑落飯諗住同兩個囡玩下crafts, 整下紙花，但係做極都做唔到！個心係咁跳，好想發老脾(其實已經發咗）！再睇下個鐘，下！！5點半，死啦！要去煑飯！因為每一日我哋都要準時6點食飯！突然間心慌慌！立即爆發！可憐老老and 兩隻豬，被我yell 咗一輪！

但係幾分鐘過後我有say sorry!  我知sorry 唔係大晒！知衰！但係我真係控制唔到！

今日返工，心情又係上上落落！心口好似被D嘢壓住！ 同事仲攪笑問我係唔係有左？係嗰一刻我真係反白眼！我真係要好好 檢討！

好啦！過咗一個busy Saturday!  朝早9點幾又去做workshop!  Herb planter!  十分easy, 唔駛5分鐘就完成！

上色！細妹成日都好嚴肅！冇笑容！正所謂鬆D啦！

終於有D笑容！

大妹就成日笑到見牙唔見眼！

去完workshop, 要去birthday party!  

大妹best friend!  韓國妹！佢哋成日係屋企扮打電話被對方！ 可惜大妹嚟緊八月轉新學校，冇得再同朋友仔一齊讀書！ 同班所有女仔都最鍾意玩扮公主！ 所以今日韓國小妹妹就變成一條美人魚！

細妹怕羞！

家姐掛住同D朋友玩，冇理個妹！自己玩下！

同爸爸跳下！

瞓下！

又一張舊相重溫！話咁快大過女！

Year 2010

Year 2013

家姐連開餐都冇理阿妹！自己坐！

天各一方！

細妹原來係唔食pizza! 好在有cake 食！

Cake time