Random Pics

今日輪到我要返工，老老帶細妹去做baby gym! 隔一個Friday 嘅play group! 收到 whatsApp 相，好掛住佢！

A week ago, I was there!

Last week 又同老老去飲coffee, 坐outdoor, 冬冬地好有feel!

大妹嘅Mona Lisa, 似嗎?

老老送給我的座枱Christmas tree!  非常喜歡！

生日第二回

回到十月十八細妹兩歲生日。轉眼已經兩歳人仔，仍然清楚記起佢由學轉身、爬、再行出第一歩都好似昨日發生！有一個term 叫做terrible two!即係話小朋友踏入兩歲就特別唔聽話，好準確，細妹最近好激心。如果一旦唔合佢心意就大喊大叫，無論任何環境，有時真係令我非常embarrass。

有人說通常第二個小孩比較難教，贊同！ 因為當你要同時照顧兩個小孩，就如所有work 都係double! 但是你擁有時間一樣。這樣情況下，要求亦降低， 當佢喊要求要得到某些東西，很多時候我只有屈服， 因為雙手實在太忙。比起以前，我一定企硬。 成日話在我嚴格管教之下大妹絶對比細妹乖！ 但是現在我成日掛在口邊，怕細妹怕過米貴！

講番生日，選擇去一個無辦法可以再舊&污穢的park! 一去到已經好後悔，但冇辦法plan咗唯有give a try!

細妹真係好有性格！

嗰日非常熱，正常情況下好小機會係San Francisco 著背心！

熱到佢...

呢條keyUSD$2，放入個box有故事聽！

大妺永遠都sweet D!

呢個木馬連安全帶都欠逢！細妹仲慘唔夠高冇得玩！

你哋去邊？個park唔係好大冇需要map!

又嚟黑面！

冇得玩木馬玩下呢個！但係唔好亂掂，生銹！

禮物時間！今年我又買多一隻my melody! 玩具玩多幾年會唔要，公仔可以留耐D！

少見笑容！

加上post...

一家人

爺爺冇到要返工！

多謝叔叔+姐姐D禮物！

吹吹吹大一歲！

晚上食我至愛之一cheesecake factory!

食食下唔聽話要玩我個camera!係唔願意情況下唯有俾佢！ 佢竟然識映相！

最後企硬唔望鏡頭！激死！

雖然係曳，but 我都好錫佢，有時候佢可以好sweet!真正令我又愛又恨！ 其實冇所求只求佢身體健康！

給媽媽的信

每一年都在你生日寫咭送給你， 但是燒掉了就沒有而又記不清寫過什麼！ 留下心聲在這裏可以偶爾回味！轉眼你有62歲， 常常幻想你滿頭白髮是什麼樣？老了有皺紋是什麼様？ 只有聯想看不見真實。 有時候希望你化身成飛蛾飛到家的窗看看我和倆個孫女！你有沒有？

今年大的有四歲，望見她就如望見從前自己， 今天的我就如昨天的你！她不段問問題， 我就不段重複你昨天的答案！昨天她跟我去買花給你， 她記起你最愛紫色！也知道我最愛也是紫色。

細的也就快兩歲，有時候我傻到問自己她是不是你投胎轉世？ 生肖一樣，生日月份又一樣！如果事實， 我可以報答你從前為我附出。我知道這只是我一廂情願！

為人父母最怕子女食不飽、著不暖！長大成人又怕她們學業追不上， 愛情受傷害！一切一切沒完沒了！ 我知道直到你在世上最後一口氣也擔心你五個子女可以撐下去嗎？ 看到你眼角想流下來的淚，對不起，媽媽， 我們令你帶著傷心加擔心離開！聽到我們在牀邊呼喚你回來， 但是你什麼都做不到！

媽媽，十年過後今天我們長大了！我們有能力保護自己和家人！ 不要再擔心！我不會再想你是那飛蛾回來看我， 我只想你能找回爸爸，二人重新在一起！ 只是偶然我走到你墓前懷念你們，流下少許眼淚， 再去寫一些不知道你可以收到的信。每年都是一樣！誰可改變！

生日第一回

好似很久沒有寫blog，最近生活健康，早睡早起（雖然我一向早起）。上個禮拜有一晚胃痛到以為自己就快死，心諗唔好呀我倆隻豬仲細我要撐住！痛咗成個鐘終於瞓咗！可能真係壓力大心情差，身體就有問題！睇見香港發生悲劇令我再次感受到人生無常，最重要珍惜和家人朋友相處時刻！唔好怕羞愛一個人要被對方知道！

922 係大妹4歲生日，4年啦！今年好平靜渡過，冇party！ 朝早去咗書局，倆隻豬都非常喜歡reading，左睇右睇， 最後買咗本書plus一盒美國地圖puzzle! 要佢知道自己住邊！

之後去咗park玩 and picnic!

買咗個大sandwich 倆個share!

呢個女永遠表情多多！

留意細妹最終咬咗舊pineapple 好耐！從冇放棄！但是個sandwich 早在地下!

都話細佬精力多，嗰日熱死佢地仲可以不段跳！

4歲女兒...爸爸細妹熱到走先！

呢個女好鬼女人，坐都特別斯文！完全唔似我！

睇見細妹表情就知佢驚！

夜晚去食rainforest cafe!

呢隻cup非常...貴！一人一隻冇走雞！

個restaurant 佈置到好似熱帶雨林！每隔半個鐘就做到好似落大雨行雷！ 大妹就驚到要爸爸保護，我以為細妹都驚get ready 抱抱！點知佢咩事都冇！兩姊妹性格好大分別！

切cake時間！不過今年係cupcakes!

爺爺+嫲嫲

叔叔+女朋友

一家人

都話啦，細妹表情豐富！大過可以去做戲！

Why 個 title 叫第一回？因為好快就有第二 and 第三回！生命最重要的老公、女兒、母親都在九、十月生日！ 所以有排忙!  雖然母親己不在，但每一年都為這個偉大母親準備！例如生日咭， 摺元寶...自從做咗阿媽之後更加感激自己母親！