曾記得十多年前的年三十，至親己經不在，她放工之後走進超級市埸為自己買晚餐。週圍的師奶在迫在爭無非都想為家人煮一餐豐富團年飯。每一個心情興奮，唯獨她帶著失落。心裡面有一種無法形容傷心。排隊付錢時候收銀員也望了她一眼，因為她買的只有一包雪藏餃子加一罐罐頭湯。這就是她晚餐，曾經她也很期待新年可以食媽媽親手造的餸，如今只有望見别人團圓，自己孤單！
十多年後她終於有自己的家，有丈夫，女兒等吃她為他們準備團年飯。雖然厨藝不是十分好,但仍堅持每年也煮。因為煮團年飯令她感受到昔日家庭片段，昨天回憶，留待今天繼續。
新年快樂！
2014年1月8日星期三
2014 的第一個 blog
2014 的第七天终於寫blog。自從yahoo關閉了個 blog之後都有好多個月冇再寫。呢個寫 blog嘅習慣不可以放棄，要有恆心去繼續！
星期日晚冲凉之前發現自己有三條白頭髮，以前成日笑老老好快就变白頭阿伯，因為我本身好難有白頭髮。估唔到咁快有報應!更難得見到老老面上流露出笑容，佢話终於可以同我白頭到老。或者我真的老了！
人老左特别掛念親人，尤其係母親。掛念以前做人女兒幸福 。母親無微不至，照顧週到，成日煮好多好餸。媽媽永遠都no.1 大厨。 做人阿媽之後就冇呢支歌仔唱，咩都要自己做！更加冇人錫，母愛係偉大！以前係收，而家給。給的同時怕做不夠, 做唔好。好難！
但成功在於嘗試，用全心全意，一定Ok!今年金句"take it easy, stay happy"! 開心放鬆就一半成功！最希望可以每一晚分别同女兒 and老老 spend少少時間相處下最好！開心白頭髪都少 D !
訂閱：
文章 (Atom)