生曰...之後

星期一返工非常眼瞓！雙眼半開，但係都寫blog!  最近幾年記性好差，記起有想法在此分享，但轉過頭記不起！沒甚麼大不了，分享一下生日做咗甚麼都好！生日前一天請假去睇戲，冇錯，係 Dark Knight Rises, 期待已久但估不到會有悲劇發生！ 又再証明生命真的不知.
送大妺返學之後去食早餐，足足排隊一個鐘

但係真係好食，成日經過見到排長龍，心諗係唔係咁好食，食過之後認為係值得！

好彩睇戲唔使排，有一段時間冇入戲院，所以要自拍記住，有兩個女之後要去睇戲都唔easy！

晩上去睇中醫，手臂至手掌都痛， 中醫話我肩膀骨退化影響神經引至手掌痛！心想唔係呀！ 三十幾歲就退化，真係接受唔到囉！可能我真係冇好好打理身體！

正日生日一早起身兩個女唱生日歌好sweet！

大馬

中馬

細馬

之後又食早餐...以為要排隊，好在早去等在5分鐘！ 生日好運D！

玩反眼

呢個女越大越唔似我...or 從來唔似

食完去咗 library, 雖然係我生日但係想兩個女開心，最鍾意reading!

見到computer 愛上了叫都唔肯走！

夜晚放低兩個係嫲嫲屋企，我哋去食我至愛之一cheese fondue!

Of course 一定有wine!  以前成日去食，但係cheeses fondue 有白酒，唔可以同兩個女食。過往兩年想食都係屋企自己煮。 今年生日有得食好開心！

呢個叫lemon cello float!  好酸但十分好味！

Cheeses fondue and lemon cello 令我回想到 honeymoon 去 Europe! 勁食勁玩勁飲，冇錯十二日tour, every night 返到酒店都同導遊 and 團友飲紅酒，就係導遊教我哋飲 lemon cello。六年前嘅trip, 仲好難忘，今日如果再去一定冇玩得咁放鬆，一定心掛掛兩個女！ 做咗人父母責任真係大咗好多！

生日一定有蛋糕，最好笑係我陪三父女一齊去買，冇所為， 我知時間緊迫, 最重要有心！

有冇辦法去救救我眼袋！

回家之後再飲，但係冇醉，因為明天仲要take care 兩個女！

人大了，沒甚麼特別所求！靚車，衫，樓！ 我想要但係我明白一分耕耘一分收穫。冇一步登天！我只係wish 有好身體！大妹成日怕我死, 講始終有一天Mimi 會老會死就喊！大馬又成日要我happy, 耍見到我白頭。見到街上老夫婦，話有一天我哋就變成他們一樣！ 我心想今日唔知聽日事，邊個可以保證！ 但是今日我只想生存到最後，好好活著！因為我捨不得大中細馬！ 生日老了但我開心！